• MINAKHI BORPATRA GOHAIN

সংবাদপত্ৰ হ’ল সমাজৰ দাপোণ ৷ সমাজত সংঘটিত ঘটনাবোৰ সংবাদপত্ৰত লিপিবদ্ধ কৰা হয় ৷ আজিৰ সংবাদপত্ৰ এখনত লিখিত সংবাদ এটা ভৱিষ্যতে বুৰঞ্জীৰ সমল হিচাপে পৰিগণিত হ’ব পাৰে ৷ অসমত সংবাদপত্ৰৰ আগমন ঘটিছিল ১৮৪৬ চনত “অৰুনোদই”ৰ যোগেদি ৷ “অৰুনোদই”ৰ পাততে অসমত সাংবাদিকতাৰ সূত্ৰপাত ঘটাৰ লগতে অসমীয়া ভাষাৰ নতুন গদ্যশৈলীৰ আৰম্ভণি ঘটে ৷ পৰৱৰ্তী সময়ত “আসাম বিলাসিনী”, “আসাম মিহিৰ”, “আসাম নিউজ”, “জোনাকী”, “টাইমছ অৱ আসাম”, “ বাঁহী”, “আৱাহন” আদি ভালেসংখ্যক সংবাদপত্ৰ-আলোচনীৰ জন্ম হয় ৷ ক্ষণস্থায়ী হ’লেও এই সংবাদপত্ৰসমূহে অসমীয়া সংবাদপত্ৰ আৰু সাহিত্যৰ জগতত উল্লেখযোগ্য ভূমিকা গ্ৰহণ কৰিছিল ৷ ১৯৩৫ চনত অসমৰ প্ৰথমখন দৈনিক সংবাদপত্ৰ “দৈনিক বাতৰি”ৰ প্ৰকাশৰ লগে লগে অসমৰ সংবাদপত্ৰৰ জগতত এক নতুন অধ্যায়ৰ আৰম্ভণি ঘটে ৷ ৰায়বাহাদুৰ শিৱপ্ৰসাদ বৰুৱাৰ স্বত্বাধিকাৰত যোৰহাটৰ পৰা প্ৰকাশিত এই সংবাদপত্ৰখনে পোন প্ৰথমে 'ৰয়টাৰ', 'এচ’চিয়েটেড প্ৰেছ', আদি সংবাদ প্ৰতিষ্ঠানৰ পৰা সংবাদ কিনি, সেয়া অনুবাদ কৰি সংবাদপত্ৰত ছপা কৰা নতুন পন্থা এটা অসমত উদ্ভাৱন কৰে ৷ বাগ্মীবৰ নীলমণি ফুকনৰ সম্পাদনাত প্ৰকাশিত “দৈনিক বাতৰি”ৰ যোগেদিয়েই অসমত পোন প্ৰথমবাৰৰ কাৰণে সাংবাদিকতাৰ বৃত্তিগত চিন্তাৰ সূত্ৰপাত ঘটে ৷ “দৈনিক বাতৰি”য়ে সংবাদ জগতত গঢ়ি থৈ যোৱা ভেটিৰ আলমতে পৰৱৰ্তী সংবাদপত্ৰসমূহে প্ৰেৰণা লাভ কৰি আগ বাঢ়ি গৈছে ৷ অসমীয়া সাংবাদিকতাৰ জগতখনত “দৈনিক বাতৰি”ৰ অসীম প্ৰভাৱ লক্ষ্য কৰিয়েই এই গৱেষণাপত্ৰখন প্ৰস্তুত কৰা হৈছে ৷ এই গৱেষণাপত্ৰখনত অসমৰ প্ৰথমখন সংবাদপত্ৰ হিচাপে “দৈনিক বাতৰি”ৰ এক পৰিচয়, 'দৈনিক বাতৰি'ৰ সংবাদৰ বিশেষত্ব, পৰৱৰ্তী অসমীয়া দৈনিক সংবাদপত্ৰ প্ৰকাশত 'দৈনিক বাতৰি'ৰ ভূমিকাৰ বিষয়ে বিশ্লেষণ কৰা হৈছে ৷

পৰিচয়, সংবাদৰ বিশেষত্ব, 'দৈনিক বাতৰি'ৰ ভূমিকা

"অসমৰ প্রথমখন সংবাদপত্র ", International Journal of Emerging Technologies and Innovative Research (www.jetir.org), ISSN:2349-5162, Vol.9, Issue 7, page no.g431-g437, July-2022, Available :http://www.jetir.org/papers/JETIR2207661.pdf

"অসমৰ প্রথমখন সংবাদপত্র ", International Journal of Emerging Technologies and Innovative Research (www.jetir.org | UGC and issn Approved), ISSN:2349-5162, Vol.9, Issue 7, page no. ppg431-g437, July-2022, Available at : http://www.jetir.org/papers/JETIR2207661.pdf