• Sachinkumar Kalakappa Talawar

ವೃತ್ತಿ ಆಧಾರಿತವಾಗಿ ತಳವಾರಿಕೆ ಪ್ರಸ್ತಾವನೆ : ತಳವಾರಿಕೆ ಎಂಬುದು ಒಂದು ಜಾತಿ ಸೂಚಕ ಪದವಾಗಿದ್ದು ವೃತ್ತಿ ಆಧಾರಿತ ಪದವಾಗಿಯೂ ಬಳಕೆಯಲ್ಲಿದೆ. ನಾಯಕ ಸಮುದಾಯದಲ್ಲಿ ಕುಲನಾಮವಾಗಿ ತಳವಾರ ಎಂಬದು ಸಾಮಾನ್ಯವಾಗಿ ಕಾಣಬರುತ್ತದೆ. ಆದ್ದರಿಂದಲೇ ತಳವಾರರ ಕುರಿತು ಅಧ್ಯಯನ ಮಾಡುವ ಆಸಕ್ತಿ ಹೆಚ್ಚಾಯಿತು. ಕೆಲವು ನಾಯಕರಲ್ಲಿ ಕುಲನಾಮವಾಗಿ ತಳವಾರ ಎಂಬ ಪದವನ್ನು ಬಳಸಿದ್ದರೂ ಸಹ ಅದರ ಪದ್ದತಿ, ಸಂಪ್ರದಾಯಗಳನ್ನು ಅವರು ರೂಡಿಸಿಕೊಂಡಿಲ್ಲ. ಆದರೆ ಪ್ರಸ್ತುತ ಲೇಖನದಲ್ಲಿ ತಳವಾರಿಕೆಯನ್ನು ಒಂದು ಜಾತಿ ಸೂಚಕವಾಗಿ ನೋಡದೆ ಕೇವಲ ವೃತ್ತಿ ಸೂಚಕವಾಗಿ ನೋಡುವುದರ ಮೂಲಕ ಇವರ ಪದ್ದತಿ ಸಂಪ್ರದಾಯಗಳನ್ನು ತಿಳಿಸಲು ಪ್ರಸ್ತುತ ಲೇಖನವನ್ನ ಸಿದ್ದಪಡಿಸಲಾಗಿದೆ. ಈ ಲೇಖನದ ಮೂಲಕ ಕ್ಷೇತ್ರಕಾರ್ಯದಲ್ಲಿ ಕಂಡುಕೊಂಡ ತಳವಾರಿಕೆಯನ್ನು ಒಂದು ವೃತ್ತಿಯಾಗಿ ಮಾತ್ರ ತಿಳಿಸುವ ಪ್ರಯತ್ನ ಮಾಡಲಾಗಿದೆ. ತಳವಾರಿಕೆ ವೃತ್ತಿಯಾಗಿ ಗಮನಿಸಿದಾಗ ಪರಂಪರೆಯಿಂದಲೂ ಕೆಲವು ಸಮುದಾಯಗಳು ತಳವಾರಿಕೆಯನ್ನು ವೃತ್ತಿಯಾಗಿ ಪಾಲಿಸಿಕೊಂಡು ಬಂದಿರುವುದನ್ನು ಕಾಣಬಹುದು. ರಾಜ ಮಹಾರಾಜರ ಕಾಲದಿಂದಲೂ ತಳವಾರಿಕೆ ವೃತ್ತಿಯು ಒಂದು ಸೇವಾ ವರ್ಗಕ್ಕೆ ಸೇರಿದ್ದಾಗಿದ್ದು ರಾಜರ ಆಳ್ವಿಕೆಯ ಸಮಯದಲ್ಲಿ ರಾಜ್ಯದ ರಕ್ಷಣೆ, ರಾಜರ ರಕ್ಷಣೆ, ಊರಿನ ರಕ್ಷಣೆಯ ಜವಬ್ದಾರಿ ತಳವಾರರಿಗೆ ಸೇರಿರುತ್ತದೆ. ಈ ಹೊಣೆಯನ್ನು ತಳ ಸಮುದಾಯದವರಿಗೆ ಮೇಲ್ವರ್ಗದವರು ವಿಧಿಸಿದ ವೃತ್ತಿಯಾಗಿರುತ್ತದೆ. ಪ್ರಸ್ತುತ ಲೇಖನವನ್ನು ಸಿದ್ಧಪಡಿಸಲು ಕೊಪ್ಪಳ ಜಿಲ್ಲೆಯನ್ನು ವ್ಯಾಪ್ತಿಯನ್ನಾಗಿಸಿಕೊಂಡು ಈ ಭಾಗದಲ್ಲಿ ತಳವಾರಿಕೆ ವೃತ್ತಿಯನ್ನು ಮಾಡುತ್ತಿರುವ ಸಮುದಾಯದವರಿಂದ ಮಾಹಿತಿ ಸಂಗ್ರಹಿಸಿ ಅದರ ಆಧಾರದ ಮೇಲೆ ತಳವಾರಿಕೆ ವೃತ್ತಿಯು ಹೇಗೆ ಹುಟ್ಟಿಕೊಂಡಿತು? ಮತ್ತು ಆ ವೃತ್ತಿಯನ್ನು ಅನುಸರಿಸುತ್ತಿರುವ ಸಮುದಾಯಗಳಾವುವು? ಈ ವೃತ್ತಿಯನ್ನು ಅನುಸರಿಸುತ್ತಿರುವ ಸಮುದಾಯಗಳಿಗೆ ಸಮಾಜದಲ್ಲಿ ಸಿಗುತ್ತಿರುವ ಸ್ಥಾನಮಾನ ಎಂಥಹದ್ದು ಎಂದು ವಿಶ್ಲೇಷಿಸುವುದು ಪ್ರಸ್ತುತ ಲೇಖನದ ಉದ್ದೇಶವಾಗಿದೆ. ಅಧ್ಯಯನದ ಉದ್ದೇಶಗಳು ತಳವಾರಿಕೆ ವೃತ್ತಿಯ ಹಿನ್ನಲೆ ಮತ್ತು ಮೂಲವನ್ನು ತಿಳಿದುಕೊಳ್ಳುವುದು. ತಳವಾರಿಕೆ ವೃತ್ತಿಯಲ್ಲಿ ತೊಡಗಿಸಿಕೊಂಡಿರುವವರ ಸಾಮಾಜಿಕ ಸ್ಥಾನಮಾನ ಮತ್ತು ಅವರಲ್ಲಾಗಿರುವ ಬದಲಾವಣೆಗಳನ್ನು ಅಧ್ಯಯನ ಮಾಡುವುದು. ಅಧ್ಯಯನದ ಉದ್ದೇಶಗಳು • ತಳವಾರಿಕೆ ಅಂದರೆ ಎನು ? ತಳವಾರಿಕೆ ವೃತ್ತಿ ಮಾಡುವ ಸಮುದಾಯಗಳಾವವು ? • ಪ್ರಸ್ತುತ ದಿನಮಾನದಲ್ಲಿ ತಳವಾರರ ವೃತ್ತಿಯೆನಾಗಿದೆ ?

ತಳವಾರಿಕೆ, ವೃತ್ತಿ, ಸಮುದಾಯ, ಕುರುಬರು, ನಾಯಕ, ಮುಸ್ಲಿಮರು

"Vrutti Adharitavagi Talavarike", International Journal of Emerging Technologies and Innovative Research (www.jetir.org), ISSN:2349-5162, Vol.9, Issue 9, page no.b876-b881, September-2022, Available :http://www.jetir.org/papers/JETIR2209209.pdf

"Vrutti Adharitavagi Talavarike", International Journal of Emerging Technologies and Innovative Research (www.jetir.org | UGC and issn Approved), ISSN:2349-5162, Vol.9, Issue 9, page no. ppb876-b881, September-2022, Available at : http://www.jetir.org/papers/JETIR2209209.pdf