• Shivakumar G

ಸಂಸ್ಕೃತಿ ಎಂಬುದಕ್ಕೆ ಒಬ್ಬೊಬ್ಬರು ಒಂದೊಂದು ವ್ಯಾಖ್ಯಾನ ನೀಡಿದ್ದಾರೆ. ಅದರಲ್ಲಿ ಶಿವರಾಮ ಕಾರಂತರು ಹೇಳಿರುವಂತೆ “ಸಂಸ್ಕೃತಿ ಎಂಬುದು ಒಂದೆರಡು ದಿನಗಳಲ್ಲಿ ಮೊಳೆತು, ಚಿಗುರಿ, ಹೂಬಿಟ್ಟು ಫಲವನ್ನೀಯುವ ಘಟನೆಯಲ್ಲ. ಬದಲು, ಅನೇಕ ಶತಮಾನಗಳಲ್ಲಿ ಅಲ್ಲಿನ ಜೀವನವು ನಡೆದು ಬಂದುದರ ಪರಿಣಾಮದ ಫಲ" ಜನರ ಊಟ, ಪಾಠ, ಉಡುಗೆ, ತೊಡುಗೆ, ನಂಬಿಕೆ, ತತ್ವಜ್ಞಾನ ಇವೆಲ್ಲಾ ಅವರ ಒಟ್ಟು ಬದುಕಿನ ಸಾರಸರ್ವಸ್ವವಾಗುತ್ತದೆ. ಇವು ಬಹುವಾಗಿ ಜನಗಳ ಅನುಸರಿಸಿ ಬಂದಿರುವ ಮತ, ನಂಬಿಕೆಗಳಿಂದ ಹುಟ್ಟಿ, ಬಂದವು. ಪರಂಪರೆಯಿಂದ ಮೂಡಿ, ಬೆಳೆದು ಒಂದು ಬಗೆಯ ಸಂಪ್ರದಾಯಿಕತೆಯಿಂದ, ಅನುಕರಣೆಯಿಂದ, ಆಚರಣೆಯಿಂದ ಬಂದು ಬದುಕುವಂಥವು. ಮಾನವನು ತನ್ನ ಭಾವನೆಗಳಿಗೆ ರೂಪವನ್ನು ಕೊಡಲು ನೆರವಾಗುವ ಮಾತುಗಾರಿಕೆಯ ಮೇಲೆ ಸಂಸ್ಕೃತಿಯ ಮುದ್ರೆ ಬಲವಾಗಿರುತ್ತದೆ. ಹಾಗೆಯೇ ನಾಡಿನ ನಾಟಕ, ಗೀತೆ, ಶಿಲ್ಪ, ಮೊದಲಾದ ಕೃತಿಗಳ ಮೇಲೆಯೂ ಪರಿಣಾಮ ಉಂಟಾಗುತ್ತದೆ. ಇವುಗಳ ಒಟ್ಟು ಮೊತ್ತ ಆ ಕಾಲದಲ್ಲಿ ಬದುಕಿರುವವರ ಮೇಲೂ ಕಾಣಿಸುತ್ತದೆ. ಹೀಗಾಗಿ ಒಂದು ಜನಾಂಗದ ತನ್ನ ತನವನ್ನು ವಿಶಿಷ್ಠವಾಗಿ ಉಳಿಸುವ ಸಂಸ್ಕೃತಿಯ ವಿಚಾರದಲ್ಲಿ ಹೆಮ್ಮೆ ಪಡುವುದು ಸ್ವಾಭಾವಿಕ. ಒಂದು ಜನವರ್ಗ, ಇನ್ನೊಂದು ಜನವರ್ಗದಿಂದ ಬೇರೆಯಾಗಿದೆಯೆಂಬುದನ್ನು ಗುರುತಿಸಿ, ತೋರಿಸಬಲ್ಲ ಶಕ್ತಿ ಸ್ವರೂಪವೇ ಸಂಸ್ಕೃತಿ. ಹಾಗೇ ಒಂದು ಸಂಸ್ಕೃತಿಯಲ್ಲಿ ಅದ್ದಿ ಬೆಳೆದವನಿಗೆ ತನ್ನ ಸಂಸ್ಕೃತಿಯ ಅರಿವು ಆಗದೇ ಹೋದರೂ ಪರಕೀಯ ಸಂಸ್ಕೃತಿಯನ್ನು ಕಂಡಾಗ ತನ್ನ ಜೀವನದ ರೀತಿ ನೀತಿಗೂ ಅಭಿರುಚಿಗೂ ಅನ್ಯರದಕ್ಕೂ ಇರುವ ಅಂತರವು ಅವರ ಮಾತು, ನಡತೆ, ಮಾನಸಿಕ ತೀರ್ಮಾನಗಳಲ್ಲಿ ಹೊಡೆದು ಕಾಣುತ್ತದೆ. ಈ ರೀತಿಯಾಗಿ ಇದ್ದ ಭಾರತೀಯ ಸಂಸ್ಕೃತಿ ಇಂದಿಗೆ ಅಳಿವಿನತ್ತ ಹೋಗುತ್ತಿರುವುದು ನಮ್ಮ ದುರ್ಧೈವ. ಅತೀ ಪುರಾತನ ಸಂಸ್ಕೃತಿ ಎಂದರೆ ಭಾರತೀಯ ಸಂಸ್ಕೃತಿ. ಅದನ್ನು ಉಳಿಸಿಕೊಳ್ಳಲು ನಾವು ಎಷ್ಟರಮಟ್ಟಿಗೆ ಪ್ರಯತ್ನಿಸುತ್ತಿದ್ದೇವೆ ಎಂಬುದು ಬಹಳ ಮುಖ್ಯ.

ಭಾರತೀಯ ಸಂಸ್ಕೃತಿ ,ಸಂಸ್ಕೃತಿಯ ಮುದ್ರೆ

"ಅಳಿವಿನಂಚಿನಲ್ಲಿರುವ ಭಾರತೀಯ ಸಂಸ್ಕೃತಿ", International Journal of Emerging Technologies and Innovative Research (www.jetir.org), ISSN:2349-5162, Vol.9, Issue 9, page no.b193-b196, September-2022, Available :http://www.jetir.org/papers/JETIR2209124.pdf

"ಅಳಿವಿನಂಚಿನಲ್ಲಿರುವ ಭಾರತೀಯ ಸಂಸ್ಕೃತಿ", International Journal of Emerging Technologies and Innovative Research (www.jetir.org | UGC and issn Approved), ISSN:2349-5162, Vol.9, Issue 9, page no. ppb193-b196, September-2022, Available at : http://www.jetir.org/papers/JETIR2209124.pdf