• Dr.Suresha K C

ಕಬ್ಬಾಳು ದುರ್ಗದ ಇತಿಹಾಸ ಹೊಯ್ಸಳರ ಕಾಲದಿಂದಲೂ ಪ್ರಸಿದ್ಧವಾಗಿದೆ. ಕಬ್ಬಾಳು ಗ್ರಾಮದ ಪಶ್ಚಿಮಕ್ಕೆ ಇರುವ ಬೆಟ್ಟದಲ್ಲಿ ಕೋಟೆ ಇರುವುದರಿಂದ ಕಬ್ಬಾಳು ದುರ್ಗವೆಂತಲೂ ಕರೆಯುತ್ತಾರೆ. ಈ ಕೋಟೆಯನ್ನು ಗಾಥೇಕರಾಜ ಎಂಬ ಪಾಳೇಗಾರ ಕಟ್ಟಿಸಿದ ಎಂದು ಮೈಸೂರು ಗೆಜೆಟಿಯರ್‌ನಲ್ಲಿ ಉಲ್ಲೇಖಗೊಂಡಿದೆ. “ಸಮುದ್ರ ಮಟ್ಟದಿಂದ ೧೦೬೯ ಮೀ ಎತ್ತರವಿರುವ ಶಂಖಾಕೃತಿಯಿAದ ಕೂಡಿದ ಗಿರಿದುರ್ಗ. ದುರ್ಗದ ಮೇಲೆ ಶಿಥಿಲವಾದ ಕೋಟೆಯಿದೆ. ಈ ದುರ್ಗವನ್ನು ಒಂದು ಕಡೆಯಿಂದ ಮಾತ್ರ ಹತ್ತಲು ಸಾಧ್ಯ. ಬಂಡೆಯಲ್ಲಿಯೇ ಮೆಟ್ಟಿಲುಗಳನ್ನು ಅತಿ ಚಿಕ್ಕದಾಗಿ ಕೊರೆದು ನಿರ್ಮಿಸಲಾಗಿರುವುದರಿಂದ ಹತ್ತಲು ತುಂಬ ಕಷ್ಟ. ಈ ಕೋಟೆಯು ಶತ್ರುಗಳ ಆಕ್ರಮಣಕ್ಕೆ ತುತ್ತಾಗುವ ಸಾಧ್ಯತೆ ಕಡಿಮೆ. ಏಕೆಂದರೆ ಇದೊಂದು ಕಡಿದಾದ ಮತ್ತು ಕಿರು ಮೆಟ್ಟಿಲು ಇರುವುದರಿಂದ ಒಬ್ಬೊಬ್ಬರೆ ನಿಧಾನವಾಗಿ ಎಚ್ಚರಿಕೆಯಿಂದ ಸಾಗಬೇಕಾಗುತ್ತದೆ. ಆದ್ದರಿಂದ ಶತ್ರುಗಳ ಪಾಲಿಗೆ ದುರ್ಭೇಧ್ಯವಾದ ಕೋಟೆಯಾಗಿತ್ತು. ತಮಗೆ ಆಗದವರನ್ನು, ವೈರಿಗಳನ್ನು ಸೆರೆಹಿಡಿದು ಕೊಲ್ಲವುದಕ್ಕಾಗಿ ಸುಮಾರು ೧೮ನೇ ಶತಮಾನದವರೆಗೂ ಈ ದುರ್ಗವನ್ನು ಬಳಸುತ್ತಿದುದ್ದು ಕಂಡು ಬರುತ್ತದೆ” (ಪುಟ-೧೪೨ ರಾಮನಗರ ಜಿಲ್ಲೆಯ ಸ್ಥಳನಾಮಗಳ ಅಧ್ಯಯನ. ಸುರೇಶ ಕೆ.ಸಿ ಕ.ವಿ.ವಿ. ಅಪ್ರಕಟಿತ ಪಿಎಚ್‌ಡಿ ಗ್ರಂಥ ) ಕಬ್ಬಾಳಮ್ಮನ ಗುಡಿಯ ಹತ್ತಿರದ ಶಾಸನದಲ್ಲಿ ಕಜಂತರ ಕುಲದ ಕಬ್ಬಹಾಳು ಸೋಮೇಗೌಡನ ಮಗ ಶೌರಣ್ಣನೂ ಸಾದನೆಂಬುವನೂ ಹನಿಯೂರ ಸಂತೆಗೆ ಹೋಗಿ ಬರುತ್ತಿದ್ದಲ್ಲಿ ಕಳ್ಳರು ಮೇಲೆ ಬಿದ್ದಾಗ ಶೌರಣ್ಣನೂ ಈ ಹೋರಾಟದಲ್ಲಿ ಸ್ವರ್ಗಸ್ಥರಾದನೆಂದಿದೆ. ಈ ಶಾಸನವು ಹೊಯ್ಸಳ ಅರಸನಾದ ಮುಮ್ಮಡಿ ವೀರಬಲ್ಲಾಳನ (೧೨೯೨-೧೩೪೩) ಆಳ್ವಿಕೆಗೆ ಸೇರಿದ ಶಾಸನವಾದ್ದರಿಂದ ಕಬ್ಬಾಳು ಗ್ರಾಮವು ಹೊಯ್ಸಳರ ಕಾಲದಿಂದಲೂ ಪ್ರಸಿದ್ಧವಾದ ಗ್ರಾಮವೆಂತಾಗುತ್ತದೆ. ಅಲ್ಲದೆ ಹೊಯ್ಸಳರ ಪ್ರಭುತ್ವಕ್ಕೆ ಒಳಪಟ್ಟಿತ್ತು ಎಂಬುದು ದೃಢವಾಗುತ್ತದೆ. ಅಬಾಧಿತವಾಗಿ ಈ ಗ್ರಾಮವು ವಂಶಪಾರಂಪರ‍್ಯವಾಗಿ ಹೊಯ್ಸಳರ ರಾಜಮನೆತನದವರಿಂದ ಆಳಲ್ಪಟ್ಟಿದೆ. ಇದು ಹಿಂದೆ ವ್ಯಾಪಾರ ಕೇಂದ್ರವಾಗಿದ್ದಂತೆ ತೋರುವುದು.

"Kabbalu Ithihasikate", International Journal of Emerging Technologies and Innovative Research (www.jetir.org), ISSN:2349-5162, Vol.10, Issue 3, page no.b200-b202, March-2023, Available :http://www.jetir.org/papers/JETIR2303123.pdf

"Kabbalu Ithihasikate", International Journal of Emerging Technologies and Innovative Research (www.jetir.org | UGC and issn Approved), ISSN:2349-5162, Vol.10, Issue 3, page no. ppb200-b202, March-2023, Available at : http://www.jetir.org/papers/JETIR2303123.pdf