• HANUMANTHAPPA

ಪುನರ್ ವಸತಿ ನೆಲೆಸಿಗರ ಶಿಕ್ಷಣದಲ್ಲಿ ಮಾತೃಭಾಷೆ ಮಹತ್ವ (Importance of Mother Tongue in Rehabilitation Settlers Education) ಹನುಮಂತಪ್ಪ ಸಂಶೋಧನಾರ್ಥಿ, ಸಮಾಜಶಾಸ್ತ್ರ ಅಧ್ಯಯನ ಮತ್ತು ಸಂಶೋಧನಾ ವಿಭಾಗ, ಕನ್ನಡ ವಿಶ್ವವಿದ್ಯಾಲಯ ಹಂಪಿ-583 276 ಮೊ.7676789591, hanuma7676@gmail.com ಪ್ರಸ್ತಾವನೆ ಶಿಕ್ಷಣ ನಮಗೆ ಜ್ಞಾನ ನೀಡುತ್ತದೆ. ಒಂದು ಪ್ರದೇಶದಲ್ಲಿ ಶಿಕ್ಷಣವನ್ನು ಹೊಂದುವುದರಿಂದ ಜನರು ತಮ್ಮ ಯಶಸ್ಸಿಗೆ ಕೊಡುಗೆ ನೀಡುವ ರೀತಿಯಲ್ಲಿ ಯೋಚಿಸಲು ಮತ್ತು ವರ್ತಿಸಲು ಸಹಾಯ ಮಾಡುತ್ತದೆ. ಶಿಕ್ಷಣ ಅವರ ವೈಯಕ್ತಿಕ ತೃಪ್ತಿಯನ್ನು ಮಾತ್ರವಲ್ಲದೆ ಅವರ ಸಮುದಾಯವನ್ನು ಸುಧಾರಿಸುತ್ತದೆ. ಜೊತೆಗೆ ಶಿಕ್ಷಣವು ಮಾನವನ ವ್ಯಕ್ತಿತ್ವ, ಆಲೋಚನೆಗಳು ಇತರರೊಂದಿಗೆ ವ್ಯವಹರಿಸುವುದು ಮತ್ತು ಜೀವನದ ಅನುಭವಗಳಿಗೆ ಜನರನ್ನು ಸಿದ್ಧಗೊಳಿಸುತ್ತದೆ. ಶಿಕ್ಷಣವು ಸಂಶೋಧನೆ ಮತ್ತು ಹೊಸ ಆವಿಷ್ಕಾರಗಳಿಗೆ ಕಾರಣವಾಗುತ್ತದೆ. 1968-69ರಲ್ಲಿ ಬರ್ಮಾ ಮತ್ತು ಸಿಲೋನ್ ನಿಂದ ತಮಿಳು ಭಾಷಿಕ ಸಮುದಾಯದವರು, ಬಂಗಾಳಿ ಭಾಷಿಕ ಸಮುದಾಯದವರು 1971ರಲ್ಲಿ ಬಾಂಗ್ಲಾದೇಶದಿಂದ ನಿರಾಶ್ರಿತರಾಗಿ ಭಾರತಕ್ಕೆ ಬಂದು ನೆಲೆಸಿದವರು. ಅಂದಿನ ಭಾರತ ಸರ್ಕಾರ ಈ ಬೆಂಗಾಲಿ ಸಮುದಾಯದ ರಕ್ಷಣೆಗೆ ಭಾರತದ ಸುಮಾರು 13 ರಾಜ್ಯಗಳಲ್ಲಿ ಪುನರ್ ವಸತಿ ಶಿಬಿರಗಳನ್ನು ಸ್ಥಾಪಿಸುವುದರ ಮೂಲಕ ನೆಲೆಸಲು ಅವಕಾಶ ಮಾಡಿಕೊಡಲಾಯಿತು. ಈ ರೀತಿಯಾಗಿ ಕರ್ನಾಟಕದ ರಾಯಚೂರು ಜಿಲ್ಲೆಯ ಸಿಂಧನೂರು ತಾಲೂಕಿನ ಒಂದು ನಿರ್ದಿಷ್ಟ ಪ್ರದೇಶದಲ್ಲಿ ಆರ್ ಎಚ್ 1, 2, 3, 4 ಮತ್ತು 5 ರಲ್ಲಿ ಪುನರ್ ವಸತಿ(ಆರ್ ಎಚ್) ಕೇಂದ್ರಗಳಲ್ಲಿ ತಮಿಳು ಭಾಷಿಕ ಸಮುದಾಯದವರು ಮತ್ತು ಬಂಗಾಳಿ ಭಾಷಿಕ ಸಮುದಾಯದವರು ವಾಸಿಸುತ್ತಿದ್ದಾರೆ. ಸುಮಾರು 50 ವರ್ಷಗಳಿಂದ ಸಿಂಧನೂರು ತಾಲೂಕಿನಲ್ಲಿ ನೆಲೆಸಿರುವ ಪುನರ್ ವಸತಿ ನೆಲೆಸಿಗರ ಜನಸಂಖ್ಯೆ 2018-19ರಲ್ಲಿ ಸುಮಾರು 14,000ಕ್ಕಿಂತ ಹೆಚ್ಚಿನ ಜನರನ್ನು ಒಳಗೊಂಡಿರುವುದನ್ನು ಕಾಣಬಹುದು. ತಮಿಳು ಸಮುದಾಯದ ಮಾತೃಭಾಷೆ ತಮಿಳು, ಬೆಂಗಾಲಿ ಸಮುದಾಯದ ಮಾತೃಭಾಷೆ ಬಂಗಾಳಿ ಅಥವಾ ಬೆಂಗಾಲಿಯಾಗಿರುವುದು, ಆದರೆ ಈ ಸಮುದಾಯದವರು ಶಿಕ್ಷಣವನ್ನು ಕನ್ನಡ ಮತ್ತು ಆಂಗ್ಲ ಮಾಧ್ಯಮದಲ್ಲಿ ಪಡೆಯಬೇಕಾಗಿದೆ. ಆದ್ದರಿಂದ ಪುನರ್ ವಸತಿಗಳಲ್ಲಿ ನೆಲೆಸಿದ ಸಮುದಾಯದವರು ಪ್ರಾಥಮಿಕ ಶಿಕ್ಷಣವನ್ನು ಪಡೆಯುವಲ್ಲಿ ಭಾಷಾ ಮಾಧ್ಯಮದ ಮಹತ್ವದ ಕುರಿತು ಅಧ್ಯಯನ ಮಾಡುವುದು ಪ್ರಸ್ತುತ ಅಧ್ಯಯನದ ಉದ್ದೇಶವಾಗಿದೆ.

ಮುಖ್ಯ ಪದಗಳು: ತಮಿಳು, ಬೆಂಗಾಲಿ, ಸಮುದಾಯ, ಭಾಷೆ, ಪುನರ್ ವಸತಿ

"ಪುನರ್ ವಸತಿ ನೆಲೆಸಿಗರ ಶಿಕ್ಷಣದಲ್ಲಿ ಮಾತೃಭಾಷೆ ಮಹತ್ವ(Importance of Mother Tongue in Rehabilitation Settlers Education)", International Journal of Emerging Technologies and Innovative Research (www.jetir.org), ISSN:2349-5162, Vol.12, Issue 8, page no.d180-d184, August-2025, Available :http://www.jetir.org/papers/JETIR2508323.pdf

"ಪುನರ್ ವಸತಿ ನೆಲೆಸಿಗರ ಶಿಕ್ಷಣದಲ್ಲಿ ಮಾತೃಭಾಷೆ ಮಹತ್ವ(Importance of Mother Tongue in Rehabilitation Settlers Education)", International Journal of Emerging Technologies and Innovative Research (www.jetir.org | UGC and issn Approved), ISSN:2349-5162, Vol.12, Issue 8, page no. ppd180-d184, August-2025, Available at : http://www.jetir.org/papers/JETIR2508323.pdf